Tarazda turǵyn úı shatyrynan órt shyqty

<p>TARAZ. KAZINFORM &ndash; Tarazdaǵy turǵyn úıleriniń birinen órt shyqty. Úıdiń shatyrynan shyqqan jalyn 120 sharshy metr aýmaqty qamtydy.</p>

«Órtti sóndirýge oqıǵa ornyna 16 órt sóndirýshi jáne 4 arnaıy birlik tehnıka jedel jetti. Qutqarýshylardyń úılesimdi áreketteriniń arqasynda ottyń jaqyn turǵan úılerge taralýyna jol berilmedi. Órt tolyqtaı joıyldy, zardap shekkender joq. 

Qazirgi tańda órttiń shyý sebepteri anyqtalýda», – delingen Jambyl oblystyq tótenshe jaǵdaılar departamenti baspasóz qyzmetiniń taratqan aqparatynda.

Aıta keteıik, buǵan deıin Jambyl oblysynda sharýa qojalyǵynyń 500-ge jýyq maly sýǵa ketkenin jazǵan bolatynbyz.