Tarazda «Týǵan jerge týyńdy tik» atty jerlester forýmy ótti

 TARAZ. QazAqparat - «Balasaǵun» ortalyq kontsert zalynda Elbasynyń «Bolashaqqa baǵdar: rýhanı jańǵyrý» baǵdarlamasy aıasynda «Týǵan jerge týyńdy tik» atty jerlester forýmy ótti, dep habarlaıdy QazAqparat.    

 Oblystyq ishki saıasat basqarmasynyń uıymdastyrýymen, óńirde alǵash ret ótkizilip otyrǵan sharada qoǵam qaıratkeri, oblystyq qoǵamdyq keńestiń tóraǵasy Jandar Káribaıuly, Qazaqstannyń eńbek sińirgen qaıratkeri, Almaty qalasynyń Qurmetti azamaty Aıagúl Mırazova, Qazaq kúresinen Halyqaralyq dárejedegi sport sheberi, 3 dúrkin «Qazaqstan barysy», «Eýrazııa barysy», halyqaralyq týrnırleriniń jeńimpazy Beıbit Ystybaev, bilikti ekonomıst, metsenat  Azamathan   Ámirtaı, "RUMI GROUP" meıramhanalar jelisiniń negizin qalaýshy, kásipker Qýanysh Shońbaı, Qazaqstannyń Eńbek eri, "Kazfosfat" JShS bas dırektory Muqash Eskendirov jáne taǵy basqa azamattar týǵan jerge degen lebizderin bildirdi.

 Forým barysynda "Rýhanı jańǵyrý" baǵdarlamasy aıasynda ótkizilgen "Jomart júrek" syılyǵynyń laýreattary marapattaldy. "Jomart júrek" syılyǵy týǵan ólkeniń damýyna eleýli úles qosqan belsendi tulǵalarǵa, bıznes ókilderine jáne túrli uıymdarǵa tabys etildi. Sondaı-aq, elimizge eńbegi sińgen oblystyń 8 azamatyna "Amanat" marapaty berildi.

 Kesh sońy óner juldyzdarynyń kontserttik baǵdarlamasymen jalǵasty.

Avtory: Ǵıbrat Sembaı