Tarazda «Tárbıe basy – otbasy» atty ata-analar forýmy ótti
Atalǵan forýmǵa Jambyl oblysy ákimdigi bilim basqarmasy basshysy Rahııa Turmahanbetova, Jambyl oblysy Polıtsııa departamenti Esirtki bıznesine qarsy kúres basqarmasynyń bastyǵy, polıtsııa podpolkovnıgi Ashat Almetov, Polıtsııa departamentiniń Jergilikti polıtsııa qyzmetiniń ıÝvenaldyq polıtsııa bóliminiń bastyǵy Qýanysh Qaljanov, Jambyl oblysy ata-analar keńesiniń tóraıymy Elmıra Myrza-Ǵalı qatysty.
Forým barysynda oblys boıynsha jınalǵan ata-analar men qonaqtardy Jambyl oblysy PD EBQKB bastyǵy, polıtsııa podpolkovnıgi Ashat Almetov 16 jeltoqsan - Táýelsizdik kúnimen quttyqtaı otyryp, nashaqorlyqtyń aldyn alý maqsatynda, qazirgi tańda esirtki zattary qalaı taratylatyny, jasóspirimder arasynda esirtkini qoldaný problemalary, ata-analarǵa esirtki jaıly neni bilý kerek, balamen nashaqorlyq jóninde qarym-qatynasty qalaı uıymdastyrý, psıhoaktıvti zattardy paıdalaný faktisi rastalǵan jaǵdaıda ózin qalaı ustaý kerektigi jáne esirtkini qoldanǵan jaǵdaıda nege ákep soǵatyny jaıly qajetti málimetter bere otyryp, mazmundy beınerolık kórsetýmen óz sózin aıaqtady.
Іs-sharada aýdandyq jáne qalalyq bilim bólimderi «Úzdik ata-analar komıtetteri» kórneki beınebaıandar usynyp, slaıd arqyly atqarylǵan jumystaryn tanystyrdy.
Jambyl oblysy ákimdiginiń bilim basqarmasynyń basshysy Rahııa Turmahanbetova jáne Jambyl oblysy ata-analar keńesiniń tóraıymy Elmıra Myrza-Ǵalı aýdandar men Taraz qalasynan qatysqan «Úzdik ata-analar komıtetterin» Qurmet gramotasy jáne baǵaly syılyqtarmen marapattady. Onyń ishinde Taraz qalasy Tólebı atyndaǵy №8 gımnazııanyń, Sarysý aýdany Aqtoǵaı orta mektebiniń, Jýaly aýdany №15 mektep-lıtseıiniń, Talas aýdany Ahmet Baıtursynuly atyndaǵy gımnazııanyń, Shý aýdany Jambyl atyndaǵy orta mektebiniń, Shý aýdany Jambyl atyndaǵy orta mektebiniń, Baızaq aýdany Úlgili orta mektebiniń ata-analar komıtetteri boldy.
Forým sońynda qatysýshy 300-ge jýyq ata-ana men qamqorshylyq keńesteriniń ókilderine jáne qatysýshy qonaqtarǵa «Ana-áke» ánin mektep olımpıadalaryn jáne mektepten tys is-sharalardy ótkizetin ortalyqtyń qyzdar vokaldyq toby tartý etti. Uıymdastyrýshylar qatysýshylarǵa ýaqyttaryn bólip kelgenderine kóp alǵysyn aıta otyryp, bárine otbasy ıgiligin tiledi. Barlyq kelgen qonaqtar mazmundy ótken is-sharadan kóterińki kóńil-kúıde tarqasty.
Ǵıbrat Sembaı