Tarazda «Sergek» kameralary iske qosyldy

ASTANA. QazAqparat – Testilik synaqtardan keıin Tarazda «Sergek» kameralary iske qosyldy. Bul týraly Іshki ister mınıstrliginiń brıfınginde belgili boldy, dep habarlaıdy QazAqparat tilshisi.

«16 qańtardan bastap 48 apparattyq-baǵdarlamalyq keshen qalanyń jol qaýipsizdigin qamtamasyz etedi. Onyń 35-i jelilik ýchaskelerde jáne 13-i qıylystarda ornalasqan. Júıe jyldamdyq rejıminen asyp ketý, baǵdarshamnyń tyıym salý sıgnalyna ótýin jáne jol tańbalaý jelileriniń buzylýyn tirkeıdi. Tirkeý avtomatty rejımde júredi jáne polıtsııa qyzmetkeri teksergennen keıin quqyq buzýshyǵa jiberiledi», - dep atap ótti mınıstrlikten.

Vedomstvo dereginshe, kólik júrgizýshileri hattamany «erap-public.kgp.kz» jáne «egov.kz» saıttarynan nemese «Kaspi» mobıldi qosymshasyndaǵy «Memlekettik qyzmetter» bóliminen kóre alady. Eger azamat quqyq buzýshylyqtarmen kelispegen jaǵdaıda, nusqamada kórsetilgen telefon nómirine qońyraý shalýy qajet.