Tarazda respýblıkalyq aqyndar aıtysy ótti

ASTANA. QazAqparat - Taraz qalasyndaǵy «Balasaǵun» ortalyq kontsert zalynda «EKSPO-2017» halyqaralyq kórmesi aıasynda «Týǵan jer - tal besigim!» atty respýblıkalyq aqyndar aıtysy ótti. Bul týraly oblys ákiminiń baspasóz qyzmeti habarlady.

Sóz dodasyna Shyǵys Qazaqstan, Ońtústik Qazaqstan, Qaraǵandy, Qyzylorda, Qostanaı, Jambyl oblystary men Astana qalasynan 20 aqyn qatysyp, shashasyna shań juqpaǵan aqyndar ulttyq ónerdi ulyqtady.

Bir kún boıy «Balasaǵun» saraıynda kórermen men tyńdarmanyn erekshe dýmanǵa bólegen aıtystyń bas júldesin jambyldyq jas aqyn Darhan Ábdimanap ıelendi.

Júldeli birinshi oryn qyzylordalyq Muhtar Nııazov pen Jambyl oblysynyń dúldili Nurlybek Qurmanovqa buıyrdy.

Al, ekinshi orynǵa Shyǵys Qazaqstan oblysynyń aqyny Rústem Qaıyrtaıuly men jambyldyq aqyn Altynkúl Qasymbekova laıyq dep tanyldy.

Úshinshi oryndy elimizge belgili  azýly aqyndar  Aıbek Qalıev pen Nurmat Mansýrov ózara bólisti.