Tarazda plastmassa qaldyqtary óńdelýde
Búginde polıgonǵa tógiletin qoqystardyń eń kóbi qaǵaz qaldyqtary bolsa, ekinshi orynda plastmassa bótelkeler eken. Sarapshylardyń pikirinshe, Tarazda arnaıy plastmassa qaldyqtaryn tastaıtyn jáshikter óte az. Al, onyń qorshaǵan orta men adam densaýlyǵyna tıgizer zııany orasan.
Osyny eskergen stýdentterden quralǵan eriktiler toby «Plastmassanyń jańa ómiri» atty joba oılap tapty. Joba jetekshisi Samat Esenbektiń aıtýynsha, olar jınalǵan plastmassadan túrli kórnekilik buıymdardy jasap shyǵarady.
«Bizdiń plastmassa qaldyqtarynan jasaǵan buıymdarymyzdy búginde oqýshylar logıka, eńbekke baýlý, dene shynyqtyrý, matematıka pánderinde paıdalanyp jatyr. Tipti, jasalǵan keı zattarymyzdy balabaqsha, turǵyn úı aýlalaryna qoıýǵa bolady.
Biz sondaı-aq, osy taqyryp boıynsha zertteý jumystaryn júrgizip, usynystarymyzdy da ázirledik. Onda óndiris oryndary men aýlalarǵa arnaıy jáshikter ornatyp, qaldyqsyz tehnologııaǵa kóshý jolyn kórsettik», – deıdi joba jetekshisi.
Aıta keteıik, buǵan deıin biz Aqmola oblysynda stýdentterdiń jappaı ýlanýyna baılanysty is qozǵalǵanyn jazǵan bolatynbyz.