Tarazda nesıe keńesshisi alaıaqtyq jolmen turǵyndardyń 4 mln teńgesin ıemdengen

TARAZ. QazAqparat – Tarazdyq polıtseıler 21 alaıaqtyq jaǵdaıyna qatysy bar er adamdy ustady, dep habarlaıdy QazAqparat tilshisi.

Taraz qalasy Polıtsııa basqarmasynyń birinshi polıtsııa bólimi tergeý bólimshesiniń qyzmetkerleri alaıaqtyqtyń birneshe deregin ashty.

Polıtsııaǵa Jambyl oblysynyń aýdandarynyń turǵyndary habarlasyp, 2020-2021 jyldar aralyǵynda Taraz qalasynyń aýmaǵyndaǵy «Tehnodom» saýda úıinde ornalasqan «Hoým Kredıt Bank» aktsıonerlik qoǵamynyń 27 jastaǵy nesıe keńesshisiniń is-áreketinen zardap shekkenderi týraly shaǵymdanǵan.

«Uıaly telefon satý syltaýymen óz klıentteriniń senimine kirip, jas jigit birneshe ret qylmystyq quqyq buzýshylyq jasaǵan. Alaıaqtyqtyń jalpy shyǵyny 4 mıllıon teńgeden asady.

Atalǵan derekke qatysty QR QK 190-baby (Alaıaqtyq) boıynsha sotqa deıingi tergeý amaldary bastaldy»,-delingen oblystyq polıtsııa departamentiniń habarlamasynda.

Tártip saqshylarymen júrgizilgen tergeý áreketteriniń nátıjesinde joǵaryda atalǵan nesıe keńesshisi ustaldy. Kúdikti ýaqytsha ustaý ızolıatoryna qamaqqa alyndy. Osy alaıaqtyń qurbany bolýy múmkin ózge de adamdar anyqtalýda.