Tarazda nan qymbattady
Qazir as atasy dúkenderde 90 teńgeden satylyp jatyr. Osyǵan baılanysty óndiristegi jaǵdaı tekserilgen.
Mamandar bul joly qymbattaýǵa negiz bar degen sheshimge kelip otyr.
Baǵanyń ósýine soltústik óńirdegi bıdaı men 1-surypty unnyń qymbattaýy áser etken. Bıdaı 75-ten 95-ke, al un 110-nan 125 teńgege deıin ósken. Sońǵy eki jylda nan baǵasyn ustaý maqsatynda naýbaıhanalarǵa turaqtandyrý qorynan 3,5 myń tonna un tómen baǵamen berilip keldi. Sonyń arqasynda aımaqta 2 jyl boıy nan quny 85 teńgeden aspady.
«Oblysta óndiriletin bıdaı sapasy sáıkes kelmeıtindikten nan baǵasy soltústik óńirden satyp alynatyn un jáne bıdaı baǵasyna táýeldi bolyp otyr. Aldaǵy ýaqytta nan baǵasy 90 teńge kóleminde bolady. Bul baǵytta jergilikti bıýdjetten qosymsha qarjy suratylyp, nan baǵasyn ustaý maqsatynda tıisti jumystar atqarylatyn bolady»,- deıdi oblystyq aýyl sharýashylyǵy basqarmasynyń bólim basshysy Tólebek Qulekeev.