Tarazda nan baǵasy qymbattaýy múmkin
Eske sala keteıik, ótken jyldyń sońynda Taraz qalasyndaǵy saýda núktelerinde bir bólke nannyń baǵasy 75 teńgege deıin kóterilgen. Oǵan jergilikti bıliktiń birneshe óndirýshimen nandy 10 teńgege qymbattatý týraly kelisilgen sheshimi túrtki bolǵan. Biraq kásipkerlermen kezdesken oblys bıligi baǵany turaqtandyryp, ony 60-65 teńge kóleminde qaldyrdy.
«Astyq pen un baǵasynyń kóterilýine baılanysty aqpan aıynda nan baǵasynyń kem degende 10 teńgege kóterilýi múmkin. Ony arzan unnyń barlyq qoryn bitirgen naýbaıshylar da qalap otyr. Ótken jyldyń tamyz aıynan bastap baǵany qoldan kelgenshe ustap turdyq, endi naýbaıhanalardy bankrotqa ushyratý múmkin emes», - dep baıandady QazAqparat tilshisine qala ákimdiginiń kásipkerlik jáne ónerkásip bóliminiń basshysy Samat Úrpekov.
Onyń aıtýynsha, jergilikti bılik qala naýbaıhanalaryna arzandatylǵan undy bólip berýde, alaıda onyń qory taýsylyp jatyr.
«532 tonna un qalǵan, bul bar bolǵany 12-14 kúnge jetedi. Biz bul undy 93 teńgege satyp alyp, 70 teńgeden berip jatyrmyz. Aqpan aıynyń ortasyna qaraı arzan unnyń qory taýsylady. Qazirgi kezde 600 gramdyq bólke nannyń baǵasy - 65 teńge, 10 aqpannan bastap 75 teńge bolady», - dep atap ótti bólim basshysy.
Buǵan deıin Taraz qalasyndaǵy nan baǵasy elimizdegi eń arzan baǵa sanalatyn.
Avtor: Galına Skrıpnık