Tarazda mýltfılm keıipkerleri balalarǵa jol erejesin úıretti

<p>Jambyl polıtseıleri jol qozǵalysy erejelerin saqtaýǵa balalardyń nazaryn aýdarýdyń erekshe ádisin oılap tapty. Aktsııaǵa Tarazdaǵy Oqýshylar saraıynyń &laquo;Baqytty bolashaq&raquo; sándik-qoldanbaly shyǵarmashylyq bóliminiń oqytýshylary jáne &laquo;Balashow Taraz&raquo; merekelerdi uıymdastyrý agenttigi qatysty, dep habarlaıdy <a href="Kazinform" target="_blank" rel="noopener">Kazinform.</a></p>

Taraz kóshelerinde Órmekshi adam, Transformer, Aqshaqar jáne basqa da mýltfılm keıipkerleri balalarmen birge jolaýshylar jolaǵynan ótip, jol erejesin saqtaýdyń mańyzdylyǵyn túsindirdi. 

Foto: Jambyl oblystyq PD baspasóz qyzmeti

«Bul ıdeıa bastaýysh synyp oqýshylarynyń, ózge de balalardyń jol-kólik apattarynan alýy múmkin jaraqattaryna qatysty máselege jurtshylyqtyń nazaryn aýdarý maqsatynda uıymdastyryldy. Statıstıkaǵa sáıkes, 10 jasqa deıingi balalar jol qozǵalysyna qatysýshylardyń eń osal sanaty eken. Ókinishke qaraı, bıyl oblysta 10 aıda jol-kólik oqıǵalarynan 23 kámeletke tolmaǵandar kóz jumyp, 350 adam dene jaraqatyn aldy. Osy faktilerdiń aldyn alý úshin biz barlyq qajetti is-sharany qoldanýdamyz. Jasyratyny joq, búldirshinder elikteý úshin ıdealdy izdeıdi. Jol qozǵalysy erejelerin saqtaıtyn jáne oqytatyn ekrandaǵy keıipkerler – balaǵa arnalǵan minez-qulyqtyń jarqyn úlgisi jáne kórneki mysal bola alady dep oılaımyz, – dedi Jambyl oblysy polıtsııa departamenti JPQB bastyǵynyń orynbasary polıtsııa podpolkovnıgi Erjan Mananbaev. 

Foto: Jambyl oblystyq PD baspasóz qyzmeti

Is-shara barysynda taqyryptyq plakattar daıyndalyp, balalarǵa taratylǵan sharlar men tátti taǵamdar merekelik kóńil-kúı syılady. Naýqanǵa qatysýshylar súıikti keıipkerlerimen estelikke sýretke tústi. 

Aıta keteıik, buǵan deıin Jambylda polıtseı túski úziliste formasymen qalyńdyǵyna quda túsip barǵanyn jazǵan bolatynbyz.