Tarazda latyn álipbıiniń emle-erejeleri talqylandy
Til mamandary álipbıge kóshý kezeńinde pedagog qyzmetkerlerdiń biliktiligin arttyrý máselesine erekshe kóńil bólý kerek dep sanaıdy. Kelesi aıdan bastap bul baǵytta óńirdegi joǵarǵy oqý oryndarynda oqytý kýrstary bastalady. Oǵan óńirden 20 myńǵa jýyq muǵalim tartylady dep kútilýde. Keleshekte orta mektep ustazdaryn da qamtý kózdelip otyr.
Semınar-keńeste latyn grafıkasy negizinde álipbıdi qoldanýdyń tarıhı tájirıbesi, biryńǵaı standartyn engizý máseleleri qaraldy. Sonymen qatar sharaǵa qatysýshylar emle-erejelerde qarama-qaıshylyq týǵyzyp otyrǵan máselelerdi birizdendirý boıynsha usynys-pikirlerin jetkizdi.
«Mysaly, keı áripterdiń bir-birine uqsastyǵy. Mysaly «І» áripine kelsek «i» árpi men «ı» árpiniń bas áripteri bir-birine uqsas, olardy aıyrý óte qıyn. Soǵan baılanysty qazir jumys júrgizilip jatyr. Taǵy da dıgraftar bar. Olarǵa baılanysty da biraz sharýa atqarylýda»,- deıdi fılologııa ǵylymdarynyń kandıdaty Aısha Tólekova.