Tarazda qymyz óndirýshilerdiń Qaýymdastyǵy quryldy
«Qazaq qymyzy» qaýymdastyǵy qymyz óndiretin usaq taýar óndirýshilerdi aýylsharýashylyq kooperatıvterine aınaldyrý maqsatynda quryldy. Qaýymdastyq ulttyq ónimniń el ishindegi óndirisin ulǵaıtyp qana qoımaı, ony shetelge eksporttaýǵa qolǵabys etetin bolady. Atap ótilgendeı, qymyzdyń shet eldegi basty satyp alýshylary - Reseı, Qytaı, Vengrııa jáne Avstrııa.
Qaýymdastyqtyń qoǵamdyq keńesiniń alǵashqy jumys otyrysy M.H.Dýlatı atyndaǵy Taraz memlekettik ýnıversıtetinde (TarMÝ) ótti. Іs-shara barysynda «Zań» JShS dırektorlar keńesiniń tóraǵasy Dúısenbek Ybynalıev uıymnyń múshelerine kýálikter tabys etti.
Qaýymdastyqtyń qurmetti prezıdenti bolyp TarMÝ-diń rektory Mahmetǵalı Sarybekov saılandy, dep habarlady JOO-nyń baspasóz qyzmetinen. Qaýymdastyq prezıdenti bolý «Zań» JShS-niń dırektor orynbasary Elmıra Ybynalıevaǵa júkteldi. Uıymǵa barlyǵy 22 adam múshe boldy.