Tarazda kólik polıtsııasy rels urlaý faktilerin jasyryp kelgen

ASTANA. QazAqparat - Bas kólik prokýratýrasynyń úılestirýimen kóliktegi polıtsııa departamenti uıymdasqan qylmysqa qarsy kúres jáne jeke qaýipsizdik basqarmalary temirjoldyń jaı-kúıin jaqsartýǵa arnalǵan materıaldardy urlaý faktilerin áshkereledi, dep habarlaıdy QazAqparat.

QTJ Qaraǵandy bólimshesinde mundaı taýarlardy asa iri kólemde ıemdený faktisimen qatar Jambyl óńirinde bir top adam taǵy sondaı urlyq jasaǵan.

Bul ýchaskede jalpy somasy 5 mln teńgeden astam shyǵyn ákelgen 17 epızod tirkelgen.

Tergeý kórsetkendeı, osy tizimdegi 13 urlyqty Taraz stansasyndaǵy kóliktegi polıtsııanyń laýazymdy tulǵalary esepke almaı, jasyrǵan.

Kóbine qoldanystaǵy temirjol jelileriniń 5 myńnan astam «FOSSLO» bekitkishi urlanǵan.

Bul negizgi bólshekter relsterdi myqtap bekitýge jáne joǵary jyldamdyqty qozǵalystyń qaýipsizdigin qamamasyz etýge arnalǵan.

Tergeý múddesi úshin ózge aqparat jarııalanbaıdy.