Tarazda qoqystan «podezd» sándeıtin qarııa turady

<p>TARAZ. KAZINFORM &ndash; Taraz turǵyny &ndash; ıÝrıı Aleksandrovıch halyq arasynda &laquo;Narodnyı skýlptor&raquo; atanyp ketken. Sebebi onyń qolymen bezendirilgen óz úıiniń kire berisi, ıaǵnı &laquo;podezdi&raquo; ár adamnyń tańdanysyn týdyrmaı qoımasy anyq.</p>

Áýesqoı ustanyń jumystary jaqynda jergilikti pablıkterdiń birinde jarııalanyp, bir kúnde myńdaǵan qaralym jınap ta úlgerdi. Osy oraıda Kazinform tilshisi de ıÝrıı Aleksandrovıchpen jolyǵyp, tildesip qaıtqan edi. 

Foto: Nursultan Rahymbaı

«Negizi qolónerge bala kezimnen qyzyǵamyn. Biraq áskerı boryshymdy ótep júrgende ony ári qaraı jetildirip, aınalysa bastadym. Negizgi mamandyǵym – tehnık. Bul tek hobbıim dep aıtýǵa bolady. 

2012 jyly jubaıym qaıtys boldy. Sol kezde kóńilimdi basqa nársege buryp, áıelime degen saǵynyshymdy basý úshin túrli buıymdar jasaýǵa kiristim», – deıdi ol.

Foto: Nursultan Rahymbaı

Bir qyzyǵy, jasy 90-ǵa taıaǵan qarııa týyndylaryna negizinen qoqys qaldyqtaryn paıdalanady. Foto salatyn jaqtaýlar, jıekter, túrli músinder jaı ǵana sýsyndardan bosaǵan ydystardan, aǵash qaldyqtary men plastık qaldyqtarynan jasalǵan. 

Foto: Nursultan Rahymbaı

«Ózińizdiń turatyn aýlańyzdyń, podezińizdiń tabaldyryǵynan bastap ásemdelip, kóńilge qýanysh syılap tursa, bir ǵanıbet emes pe? Bilgenimdi jetildirý úshin, aınalaǵa ásemdik syılaý úshin men qarajatymdy aıaǵan emespin. Jumysyma qyzyqqan jandarǵa tapsyryspen qalaǵan dúnıelerin jasap beremin.

Ózimniń bilgenimdi jastarǵa tegin úıretip, bóliskim keledi. Tarazdaǵy biraz oqý ornyna tegin kýrs ótkizetinimdi aıtyp, usynyspen de shyqtym. Biraq, ókinishke qaraı, ol usynysymdy eshbir bilim oshaǵy qabyl almady. Qyzyǵýshylyq tanytqan jastar da joqtyń qasy», – deıdi ıÝrıı Aleksandrovıch.

Buǵan deıin Fotoreportaj: Almaty «Dúnıejúzindegi qolóner qalalary» tizimine enýi múmkindigin jazǵan bolatynbyz.