Tarazda karantın shekteýin birneshe ret buzǵan 8 nysannyń isin sot qarap jatyr

TARAZ. QazAqparat – Tarazda karantın shekteýine saqtamaǵany úshin birneshe ret hattama toltyrylyp, aıyppul salynǵan 8 kásipker nysanyna qatysty is sotqa berildi, dep habarlaıdy QazAqparat Sanıtarııalyq-epıdemıologııalyq baqylaý komıtetine silteme jasap.

«2021 jyldyń basynan bastap Jambyl oblysy Taraz qalasy boıynsha sanıtarııalyq-epıdemıologııalyq talaptardy birneshe ret buzǵandyǵy úshin 8 is («Koala» qorqor kafesi, «Marko Polo» dámhanasy, «Tropıkano» dámhanasy, «Gaýhartas» meıramhanasy, «Dısko 80-90-h» dámhanasy, «Samýraı» oıyn klýby, «Sevınch» meıramhanasy, «Parlak» meıramhanasy) aýdanaralyq ekonomıkalyq sotqa berildi. Sotqa berilgen obektilerge birneshe ret ákimshilik quqyq buzýshylyq týraly hattama toltyrylyp, jalpy somasy 13 290 835 teńgege aıyppul salyndy», delingen habarlamada.

Aýdanaralyq ekonomıkalyq sot «Koala» qorqor kafesine qatysty karantın rejımi aıaqtalǵanǵa deıin jumysyn ýaqytsha toqtatý týraly sheshim qabyldady. Qalǵan isterdi sot qarap jatyr.

Kásipkerlerdiń jáne turǵyndardyń karantın shekteýine nemquraıly qaraýy saldarynan Jambyl oblysynda COVID19 juqtyrý toqtalmaı otyr. Jyl basynan beri Jambyl oblysynda barlyǵy 1 185 KVI tirkelgen.