Tarazda qala turǵyndaryna arnalǵan jańa demalys orny ashyldy
Oblys ákimi Berdibek Saparbaev qurylysqa atsalysqandardyń barlyǵyna pandemııaǵa qaramastan jumystardy belgilengen merzimde aıaqtaǵany úshin alǵys aıtty.
Aımaq basshysy qala turǵyndarymen birge 580 metrlik alleıany aralap kórdi. Onda ár qadam saıyn túrli-tústi qalypta bezendendirilgen formalar kelýshilerge ádemi áser syılady.
Qonaqtardy kóshe mýzykanttary men ulttyq ánderdi oryndaýshylar tamasha áýenmen qarsy aldsa, jergilikti qolóner sheberleri buıymdarynyń kórmeleri de jınalǵandardyń qyzyǵýshylyǵyn oıatty.
Etnomádenı birlestikter qonaqtarǵa ulttyq dám usynyp, túrli baǵdarlamar arqyly merekelik kóńil-kúı tartý etti.
«Biz eki sazdy jáne eki qurǵaq sýburqaq ornattyq. Tarazdyqtarǵa olar unaıdy dep senemiz. Qazirdiń ózinde bul sýburqaqtar balalardyń qyzyǵýshylyǵyn oıatyp jatqanyn baıqap otyrmyz. Kúz aıynda kúnniń qysqaratynyn eskerip, jaryqtandyrý máselesine aıryqsha kóńil bóldik. Barlyq joldar men sáýlet qurylymdary gırlıandalarmen jaryqtandarylǵan. Sondaı - aq, qalanyń árbir turǵyny men qonaǵy alleıa sektsııalarynyń biriniń tóbesinde jasalǵan kreatıvti ınstallıatsııa – Qazaqstan Respýblıkasynyń týymen jaqynyraq tanysýy tıis», - deıdi merdiger kompanııanyń ókili Erkin Seıdehan.
Jańa demalys orny kóz súısindiredi. Qala turǵyndary oǵan joǵary baǵasyn berip, rızashylyqtaryn jetkizýde.
«Qazir qala ertegideı ózgerip, túrlenip keledi. Kórikti oryndar kóbeıdi. Ár kesh saıyn serýendeıtin kezde, qaısysyn tańdarymyzdy bilmeı abdyrap qalamyz. Bul jaǵymdy kóńil-kúı syılaıtyny sózsiz. Jerlesterimiz mundaı tamasha tartýlardy yqylaspen qabyldap, ony kútip-baptap ustaýǵa barynsha den qoıyp, uzaq jyldar boıy saqtalýyna úles qosady dep senemin», - dedi áserin bólisken oblys ortalyǵynyń turǵyny Aıgúl Syzdyqova.