Tarazda kafe qyzmetshisi kepilge qalǵan telefonmen 2,8 mln teńge nesıe rásimdegen

<p>Taraz qalasynyń polıtsııasyna 37 jastaǵy jergilikti turǵyn belgisiz tulǵa banktiń mobıldi qosymshasy arqyly onyń atynan 2 840 000 teńge kóleminde nesıe rásimdegenin, sodan keıin ol aqshany býkmekerlik qosymshanyń esepshotyna aýdarǵanyn aıtyp, shaǵymdanǵan, dep habarlaıdy Kazinform.</p>

Jambyl oblystyq polıtsııa departamenti baspasóz qyzmetiniń bergen málimetine súıensek, atalǵan derekke qatysty QR Qylmystyq Kodeksiniń 188-babynyń 3-bóligi 1-tarmaǵy, ıaǵnı iri mólsherde jasalǵan urlyq boıynsha sotqa deıingi tergeý amaldary bastalǵan.

Jábirlenýshi oqıǵa qarsańynda Tarazdaǵy kafelerdiń birinde demalǵanyn aıtqan. Esep aıyrysý úshin aqshasy jetpeı, óziniń uıaly telefonyn kepilge qaldyryp, keıin ony umytyp ketken. Keıinnen áıeliniń telefony arqyly banktiń qosymshasyna kirip, ol óz atynan úlken kólemde nesıe rásimdelgenin bilgen.

Jedel izdestirý is-sharalarynyń nátıjesinde polıtsııa qyzmetkerleri osy kafeniń 20 jastaǵy qyzmetshisin anyqtaǵan. Ol óz kinásin tolyq moıyndap, tergeý amaldary jalǵasýda.

Aıta keteıik, buǵan deıin Jambylda toı kortejinde tártip buzǵan jastar 265 myń teńge aıyppul tóleıtinin jazǵan bolatynbyz.