Tarazda esirtki óndiretin fıtolaboratorııa anyqtaldy

TARAZ. QazAqparat - Jambyl oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri «Qarasora-2023» jedel-profılaktıkalyq is-sharasy aıasynda Tarazda esirtki óndiretin fıtolaboratorııanyń jolyn kesti, dep habarlaıdy QazAqparat tilshisi.

Kúdikti retinde Reseı Federatsııasynyń 61 jastaǵy azamatynyń turǵylyqty mekenjaıyna tintý sharalary júrgizilgen.

Tekserý barysynda baqshada kólik shınasynan 4 kannabıs butasy tabylady. Sondaı-aq, qyzmetkerler fıtolaboratorııaǵa aınaldyrylǵan monshany anyqtaıdy. Onda 2 kannabıs butasy tabylǵan. Munymen qosa, úıdiń ár jerinen keptirilgen marıhýana esirtki zattary tabylady.

Arnaıy operatsııa barysynda jalpy salmaǵy 2400 gramm kannabıs ósimdikteriniń 6 butasy, 113 gramm keptirilgen marıhýana tárkilenedi.

«Ustalǵan adam óz kinásin moıyndady. Qazirgi ýaqytta atalǵan derek boıynsha QR Qylmystyq Kodeksiniń 300-babynyń 1-bóligimen, ıaǵnı, ósirýge tyıym salynǵan ósimdikterdi egý, ósirý, qarasora, kóknár nemese quramynda esirtki zattary bar basqa da ósimdikterdiń sorttaryn ósirý baby boıynsha sotqa deıingi tergep-tekserý bastaldy. Atalǵan bap 2 myń aılyq eseptik kórsetkishke deıingi mólsherde aıyppul túrindegi jazany kózdeıdi nemese sol mólsherde túzeý jumystarymen, bolmasa 600 saǵatqa deıingi merzimge qoǵamdyq jumystarǵa tartýmen ne eki jylǵa deıingi merzimge bas bostandyǵyn shekteýmen ne aıyrýmen jazalanady», – dep habarlady oblystyq polıtsııa departamenti eskirtki qylmysyna qarsy is-qımyl basqarmasynyń bastyǵy polıtsııa podpolkovnıgi Álim Bajyqbaev.

Buǵan deıin Shý aýdanynda 280 kelige jýyq esirtki tárkilengenin jazǵan bolatynbyz.