Tarazda eki kúnde 414 jaıaý júrginshi jaýapkershilikke tartyldy

<p>Tarazda &laquo;Quqyqtyq tártip&raquo; jedel aldyn-alý is-sharasy ótýde. Onyń alǵashqy eki kúninde polıtsııa qyzmetkerleri 414 jaıaý júrginshini joldy belgilenbegen jerden kesip ótkeni úshin ákimshilik jaýapkershilikke tartty, dep habarlaıdy <a href="Kazinform" target="_blank" rel="noopener">Kazinform</a>.</p>

«Jaıaý júrginshilerdiń óliminiń nemese jaraqattanýynyń eń kóp taraǵan sebebi – joldy kez kelgen jerden kesip ótý ádeti. Negizinen balaly analar men jasóspirimder jolda júrý erejesin buzatyny anyqtalyp otyr. Balalar árqashan eresekterge, eń aldymen ata-anasyna elikteıtinin umytpaýymyz kerek. Sondyqtan úlkender qaı jerde de tártip pen jaýapkershiliktiń úlgisin kórsete bilýi qajet.

Іs-shara barysynda nebári eki kúnde qarapaıym jol erejelerin saqtamaıtyn 414 jaıaý júrginshi QR Ákimshilik quqyqbuzýshylyq týraly Kodekstiń 615-baby, jaıaý júrginshilerdiń jol qozǵalysy erejeleriniń talaptaryn oryndamaýy boıynsha ákimshilik jaýapkershilikke tartyldy», – deıdi Jambyl oblysy PD JPQB bastyǵynyń mindetin atqarýshy Serik Aldybekov.

Buǵan deıin Tarazda 18 jastaǵy júrgizýshige birden 5 aıyppul salynǵanyn jazǵan bolatynbyz.