Tarazda dúkennen quny 2 mıllıon teńge turatyn kıim urlaǵan áıel ustaldy

<p>TARAZ. KAZINFORM &ndash; Polıtsııa qyzmetkerleri Taraz qalasynda ornalasqan áıelder kıim dúkeninen birneshe ret kıim-keshek urlaǵan Jýaly aýdanynyń turǵynyn ustady.</p>

Ol aldymen kıimderdi ilgishten sheship alyp, beınekameraǵa túspeıtin jerge qoıǵan sómkesine urlanǵan zattardy salyp otyrǵan. Keıinirek olardy Shymkent qalasyndaǵy bazarlardyń birine aparyp satqan. 

Kúdikti dúken ıesine jalpy somasy 2 005 500 teńge kóleminde shyǵyn keltirgen. 

Oblystyq polıtsııa departamentiniń baspasóz qyzmeti taratqan aqparatqa súıensek, atalǵan derekke qatysty qylmystyq is qozǵalyp, azamatsha ýaqytsha ustaý ızolıatoryna qamaqqa alynǵan.

Aıta keteıik, buǵan deıin Jambyl oblysynda 200 adam qarjy pıramıdasyna aldanǵanyn jazǵan bolatynbyz.

Sondaı-aq, Jambyldyq turǵyn páter alý úshin alaıaqqa jarty mıllıon teńge bergenin habarlaǵanbyz.