Tarazda dańqty qolbasshy Baýyrjan Momyshulynyń eskertkishi ashyldy

TARAZ. QazAqparat –«Ońtústik» óńirlik qolbasshylyǵynyń 5-shi mehanıkalandyrylǵan brıgadasynda Keńes Odaǵynyń Batyry Baýyrjan Momyshulynyń eskertkishiniń ashylý rásimi ótti, dep habarlaıdy QazAqparat tilshisi.

Saltanatty sharaǵa Jambyl oblysynyń ákimi Berdibek Saparbaev, QR Qorǵanys mınıstri general-leıtenant Rýslan Jaqsylyqov, «Ońtústik» óńirlik qolbasshylyǵynyń qolbasshysy general-maıor Qaıdar Qaraqulov qatysty.

2021 jyly atalǵan áskerı bólimge dańqty qolbasshy Baýyrjan Momyshulynyń esimi berilgen bolatyn.

Eskertkishtiń ashylý saltanatynan soń Jambyl oblysynyń ákimi men Qorǵanys mınıstri 5-shi mehanıkalandyrylǵan brıgadasynyń murajaıymen tanysty.

General-leıtenant Rýslan Jaqsylyqov jumys sapary barysynda Taraz garnızonynyń áskerı bólimderin tekserdi.

Aımaq basshysy men Qorǵanys mınıstri Baızaq aýdanyndaǵy qoımada bolǵan jarylys kezinde iz-tússiz habarsyz ketken Baýyrjan Dáýitbaevtyń otbasymen kezdesti.

Serjantty izdeý jumystary naýryz aıynyń sońynda qaıta jalǵasady. Qys aılarynda aýa raıynyń qolaısyzdyǵyna baılanysty izdeý jumystary ýaqytsha toqtatylǵan bolatyn.