Tarazda dámhana, meıramhanalardy baqylaýǵa Ulttyq ulan jumyldyryldy

TARAZ. QazAqparat – Jambyl oblysynda karantın talaptarynyń saqtalýyn baqylaý úshin qurylǵan 38 mobıldi top músheleri jyl basynan beri 11 711 nysandy tekserdi, dep habarlaıdy QazAqparat tilshisi.

«Bir táýlik ishinde, qurylǵan toptar 11 reıd, 70 nysan, saýda úıleri, dámhana, meıramhana, saýda býtıkteri jáne shashtarazdardy tekserip, tekserý barysynda karantın talaptaryn buzǵan 12 derekti anyqtady», delingen polıtsııa departamenti baspasóz qyzmetiniń habarlamasynda.

Jalpy, 1 qańtardan bastap barlyǵy 882 quqyqbuzýshylyq anyqtalǵan.

Sonymen qatar búgingi tańda oblys aýmaǵynda barlyǵy (ósim boıynsha) indetti juqtyrýdyń 15 000-nan astam deregi tirkeldi. Sońǵy kezderi Іndettiń beleń alýyna baılanysty onyń aldyn alý boıynsha oblys ortalyǵy Taraz qalasy aýmaǵynda kafe-meıramhanalarǵa qosymsha 40 polıtsııa jáne Ulttyq ulannyń 5513 áskerı bóliminiń 30 qyzmetkeri jumyldyrylǵan.