Tarazda «Chelı apaı» ustaldy

<p>Jambyl oblysyna &laquo;Chelı apaı&raquo; degen laqap esimmen belgili birneshe ret sotty bolǵan Taraz qalasynyń turǵyny ustaldy. Al osydan bir jyl buryn jedel ýákilder onyń 41 jastaǵy &laquo;Maka&raquo; búrkenshik atymen tanymal qyzyn esirtki saýdasyna qatysty qylmysy úshin quryqtaǵan bolatyn, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oblystyq Polıtsııa departamenti baspasóz qyzmetiniń taratqan aqparatyna súıensek, esirtki qylmysyna qarsy is-qımyl basqarmasynyń qyzmetkerleri alty aı boıy geroın tobyndaǵy esirtki ótkizýdiń iri arnasyn anyqtaý jáne joıý boıynsha jasyryn tergeý áreketterin júrgizgen.

Kúdiktiniń turǵylyqty jerin tintý barysynda erekshe ıisti sur-qońyr tústi zaty bar eki sirińke qoraby tabylyp, tárkilenedi. Saraptama qorytyndysyna sáıkes, atalǵan zat jalpy salmaǵy 5,45 gramm – shamamen 60 doza «geroın» esirtkisi bolyp shyqqan.

Arnaıy operatsııa nátıjesinde ustalǵan áıel – «Chelı apaı» búrkenshik atymen buryn geroın satqany úshin birneshe ret sotty bolǵan. Ol quryqtaý kezinde osyndaı qylmystar jasaǵany úshin bas bostandyǵyn shekteý túrindegi jazasyn sońyna deıin ótep úlgermegen.

«63 jastaǵy Chelı apaı birneshe ret qylmystyq jaýapkershilikke tartylǵanyna, qyzy bas bostandyǵynan aıyrý oryndarynda jazasyn ótep jatqanyna qaramastan, zańsyz jolmen alynǵan tabystan bas tartpaǵan. Atalǵan derek boıynsha QR QK 297-baby 1-bóligimen sotqa deıingi tergeý amaldary bastaldy. Kúdikti Taraz qalasynyń PB ýaqytsha ustaý ızolıatoryna qamaýǵa alyndy. Qazirgi ýaqytta esirtki jetkizý arnasyn anyqtaý boıynsha qajetti tergeý sharalary júrgizilip jatyr», – dep habarlaıdy PD EQQІB bastyǵy polıtsııa polkovnıgi Álim Bajyqbaev.