Tarazda bıýdjettiń 21 mln teńgesin qaltasyna basqan sheneýnik áıel sottaldy

TARAZ. QazAqparat – Taraz qalalyq mádenıet jáne tilderdi damytý bóliminiń bas mamany asa iri kólemdegi bıýdjet qarajatyn jymqyrǵany úshin sottaldy, dep habarlaıdy QazAqparat.

Jambyl oblystyq sybaılas jemqorlyqqa qarsy qyzmet Taraz qalasy mádenıet jáne tilderdi damytý bóliminiń bas mamany K. Abjanovaǵa qatysty tergeýdi aıaqtady.

K. Abjanova 21 mln teńge kólemindegi bıýdjet qarajatyn óziniń kartalyq shotyna zańsyz aýdarǵany úshin kúdikke ilingen bolatyn.

12 qyrkúıekte №2 qalalyq sotynyń úkimimen Abjanova iri kólemdegi bıýdjet qarjysyn jymqyrǵany úshin aıypty dep tanyldy. Ol 7 jylǵa shartty túrde sottaldy.

Aıyptalýshy memlekettik qyzmette jáne jergilikti basqarý organdarynda jumys isteý quqyǵynan ómir boıyna aıyryldy.