Tarazda bıyl 200 oryndyq onkologııalyq aýrýhana ashylady
Basqosýda Erjan Jylqybaev ótken jyl densaýlyq saqtaý salasyna úlken salmaq túskenin, memlekettik qoldaýdyń arqasynda oblysta birshama jumys atqarylǵanyn atap ótti. Sondaı-aq medıtsınalyq qyzmettiń sapasyna, pandemııaǵa baılanysty 2020 jyly týyndaǵan birqatar olqylyqtyń ornyn toltyrý kerek ekenin basa aıtty.
Jıynda baıandama jasaǵan oblys ákimdigi densaýlyq saqtaý basqarmasynyń basshysy Áset Qalıevtiń sózine súıensek, densaýlyq saqtaý salasynyń 2020 jylǵy jalpy bıýdjeti 97,1 mıllıard teńge bolǵan. Oblysta 387 densaýlyq saqtaý nysany qyzmet kórsetse, ótken jyly «Jumyspen qamtýdyń jol kartasy» baǵdarlamasy sheńberinde 943,1 mıllıon teńgege 10 nysanǵa kúrdeli jóndeý jumystary, 45,4 mıllıon teńgege 4 nysanǵa aǵymdaǵy jóndeý jumystary júrgizilipti. Quny 13,9 mıllıard teńgeni quraıtyn 200 tósek oryndyq onkologııalyq dıspanserdiń qurylysyn bıyl aıaqtaý josparlanyp otyr. Áset Qalıev densaýlyq saqtaý nysandarynyń materıaldyq-tehnıkalyq bazasyn nyǵaıtýǵa da erekshe mán berilgenin atap ótti.
«Ótken jyly salaǵa 3,9 mıllıard teńge qarjy bólinip, 582 dana medıtsınalyq qural-jabdyq satyp alyndy. Odan basqa, respýblıkalyq bıýdjet qarajaty esebinen 53 ókpeni jasandy jeldetý apparaty, shalǵaı jatqan eldi mekendegi turǵyndarǵa sapaly medıtsınalyq kómektiń qoljetimdiligin arttyrý maqsatynda 8 kóshpeli medıtsınalyq keshen jáne 18 sanıtarlyq avtokólik berildi. Sonymen qatar qosymsha qarjy lızıngi arqyly 176,4 mıllıon teńgege 65 sanıtarııalyq kólik oblystyq jedel járdem stansasyna satyp alyndy. Nátıjesinde medıtsınalyq qural-jabdyqtarmen qamtamasyz etý oblys boıynsha 85,19 paıyzdy qurady. 2020 jyldyń qorytyndysy boıynsha 6,4 mıllıard teńgege dári jetkizildi», - dedi ol.
Munan keıin basqarma basshysy medıtsınalyq qyzmettiń sapasyna toqtaldy. Ótken jyly densaýlyq saqtaý basqarmasyna 2020 jyldyń 11 aıynyń qortyndysymen jeke jáne zańdy tulǵalardan barlyǵy 1 180 ótinish-aryz tirkelgen.
Jalpy koronavırýstyq pandemııasynyń taralýynyń 2-shi tolqynyna daıyndyq boıynsha oblysta 2 530 tósek oryn ázirlendi. Rezerv retinde 2 000 tósek qory qosymsha jasaqtalyp, qajetti qural-jabdyqtarmen qamtamasyz etildi.
«Іndetpen aýyrǵan naýqastardy saýyqtyrý-qalpyna keltirý maqsatynda «Atletık» sport kesheninen 120 orynǵa arnalǵan reabılıtatsııalyq ortalyǵy ashyldy. Búgingi kúnge deıin onda 585 adam emdeldi», - deıdi Á.Qalıev.
Jıyn barysynda E.Jylqybaev artylǵan jaýapkershilik júgin jiti sezinbegen, bekitilgen ındıkatorlardy oryndamaǵan bas dárigelerdiń jeke-jeke esebin tyńdap, aldaǵy ýaqytta kemshilikke jol bergenderge naqty sharalar qoldanylatynyn jetkizdi.