Tarazda bir jylda 3 myń turaqty jumys orny ashylady

TARAZ. QazAqparat - Qazaqstan Respýblıkasy Parlamenti Májilisiniń depýtattyǵyna kandıdat Gúldara Aldanyshqyzy Nurymova jáne Taraz qalalyq máslıhatynyń depýtattyǵyna kandıdat Amına Rysbekqyzy Qaınazarova Taraz qalasyndaǵy «Báıterek» yqsham aýdanynyń turǵyny, 3 balanyń anasy Nelıýfardyń shańyraǵynda qonaqta boldy.

Olar turǵyndy partııanyń saılaýaldy baǵdarlamasymen tanystyrdy. Saılaýaldy baǵdarlamada shahardyń áleýmettik-ekonomıkalyq damýyna qatysty kóptegen josparlar qamtylǵan.

«Nur Otan» partııasy jyl saıyn keminde 3 myń turaqty jumys ornyn qurýǵa, 30-dan kem emes áleýmettik jumys oryndaryn ashýǵa, jylyna 1000 adamnan kem emes jastar praktıkasyn uıymdastyrýǵa, eńbek naryǵynyń qajettilikterin eskere otyryp, kadrlardy qaıta daıarlaýǵa, memlekettik baǵdarlamalar men memlekettik qoldaý sharalarynyń jobalaryn iske asyrýǵa yqpal etedi.

Qabyldanǵan keshendi jospar qalada 5 jyldyń ishinde shamamen jalaqyny 130,7 myńnan 176 myń teńgege deıin ósirýge jáne jumyssyzdyqty 5,6%-dan 4,9%-ǵa deıin tómendetýge múmkindik beredi.

Sonymen qatar shaǵyn jáne orta kásipkerlikti damytýǵa keń kólemde kóńil bólinýde. Sonyń nátıjesinde áleýmettiń áleýeti arta túsetin bolady. Bul baǵytta da naqty baǵdarlama aıqyndalǵan.

Kezdesý barysynda kandıdattar kópbalaly anany saılaý naýqanynda durys tańdaý jasaýǵa shaqyrdy.

«Nur Otan» partııasy Taraz qalalyq saılaý qorynyń qarajatynan tólendi