Tarazda bıiktigi 7,5 metrlik «Dombyra» eskertkishi ornatyldy

TARAZ. QazAqparat – Taraz qalasynda ulttyq aspapqa arnalyp erekshe eskertkish ornatyldy, dep habarlaıdy QazAqparat tilshisi.

Ýnıversıtet jataqhanasynyń skverinde bıiktigi 7,5 metrlik «Dombyra» eskertkishi ornatyldy. Jambyl sáýlet bıýrosynyń eskızi boıynsha jasalǵan eskertkish ulttyq aspaptyń dál kóshirmesi bolyp tabylady.

Jambyl oblysynyń ákimi Berdibek Saparbaev jańa eskertkish týraly aıta kele, qazaqtar úshin dombyranyń mańyzdylyǵyn aıryqsha atap ótti. Dombyra halyq ómirinde erekshe oryn alady. Ol kóshpeli qazaqtyń qolynan túspegen, qýanysh pen qaıǵysynda kóńil syryn shertken, jan-syryn onyń kúmbirli kúıimen jetkizse, áýezin ánge úılestirý arqyly tebirengen qasıetti aspap. Dombyra kúıleri – ıÝNESKO-nyń materıaldyq emes muralary tizimine engen.

«Stýdenttik jataqhananyń aldyna dombyraǵa eskertkish ornatý – tamasha ıdeıa. Aspap árdaıym halyqtyń uly rýhanı murasyn eske salatyn qural retinde kóz aldymyzda turady. Men jastar osy muraǵa laıyqty bolýǵa tyrysady jáne ýnıversıtet bul baǵytta tárbıe jumysyn jalǵastyrady dep úmittenemin, - dedi Berdibek Saparbaev ýnıversıtet basshylyǵynyń bastamasyn joǵary baǵalap.

Aıta ketý kerek, eskertkish demeýshilik qarajatqa ornatylǵan.