Tarazda bıik ǵımarattan sekirip ketken qyz bala jansaqtaý bólimine jatyr
21:36, 28 Qańtar 2023
TARAZ. QazAqparat – Taraz qalasynyń 19 jastaǵy turǵyny qurylys júrip jatqan ǵımarattan sekirip ketken. Ol dereý aýrýhananyń jansaqtaý bólimine jetkizildi, dep habarlaıdy QazAqparat QazAqparat polisia.kz telegram kanalyna silteme jasap.
Taraz qalasy PB jedel basqarý ortalyǵyna 27 qańtarda saǵat 15:50 shamasynda móltek aýdandardyń birinde qurylysy bitpegen ǵımarattan qyzdyń sekirip ketkendigi týraly habarlama túsken.
Atalǵan derek boıynsha QR QQ-niń 105-babymen (Ózin-ózi óltirýge deıin jetkizý) sotqa deıingi tergeý amaldary júrgizilip jatyr.
Sekirgen qyzdyń 19 jastaǵy qala turǵyny ekendigi anyqtaldy. Ol shuǵyl túrde oblys ortalyǵyndaǵy aýrýhanalardyń birine jetkizilip, jansaqtaý bólimine jatqyzyldy.
Onyń sýıtsıdke barý sebebi tergep-tekserý sharalary barysynda anyqtalady.
Basqa da mán-jaılar QR QPK-niń 201-babyna sáıkes jarııalaýǵa jatpaıdy.