Tarazda bes jylda 11 myńnan astam adam baspanaly bolady

TARAZ. QazAqparat - «Nur Otan» partııasynan QR Parlamenti Májilisiniń depýtattyǵyna kandıdat Sultan Óserbaev, Taraz qalalyq máslıhatynyń depýtattyǵyna kandıdattar Baýyrjan Moldashev, Mınýra Bojymbaeva Taraz qalasyndaǵy «Dámdes Otaý» turǵyn-úı kesheninde «Esikten-esikke» aktsııasy aıasynda turǵyndarmen kezdesip, úgit-nasıhat jumystaryn júrgizdi.

Kandıdattar turǵyndarǵa «Nur Otan» partııasynyń 2025 jylǵa deıingi saılaýaldy baǵdarlamasyndaǵy basty baǵyttyń birine jatatyn baspanamen qamtý isindegi partııanyń róline toqtaldy.

– Qazirdiń ózinde Taraz qalasynda memlekettik turǵyn úı baǵdarlamalary qarqyndy júzege asyrylýda. «Nur Otan» partııasy 2025 jylǵa deıin 7,6 myńǵa jýyq páterdi paıdalanýǵa berýge, jeke ınvestıtsııa esebinen 600 páter salýǵa yqpal etedi. Sondaı-aq 2021 jyldan bastap 5 myń jeke turǵyn úıdiń qurylysyna, 2025 jylǵa qaraı 2 ýchaskede jeke turǵyn úı qurylysyn júrgizýge jáne 2,7 myń jer telimin daıyndaý jáne bólýge kúsh salady. Kezekte turǵan 3,5 myń adamdy pátermen jáne 2,7 myń adamdy jer ýchaskesimen qamtamasyz etý kózdelip otyr. Nátıjesinde partııa 2025 jylǵa qaraı 11 myń adamdy pátermen jáne 2,7 myń adamdy jer ýchaskesimen qamtamasyz etýge yqpal etedi, – deıdi kandıdat Baýyrjan Moldashev.

Turǵyndar da óz taraptaryn turǵyn úılerdi ınfraqurylymdyq qamtamasyz etý sekildi máselelerdi kóterdi.

Kandıdattar bul máselelerdiń barlyǵy da «Nur Otan» partııasynyń 2025 jylǵa deıingi saılaýaldy baǵdarlamasyna engizilgenin aıtty.

Olar baǵdarlama boıynsha jumystardy júıeli júrgizý úshin aldaǵy saılaýda turǵyndardy «Nur Otan»-ǵa daýys berýge shaqyrdy.

«Nur Otan» partııasy Taraz qalalyq saılaý qorynyń qarajatynan tólendi.