Tarazda barlyq tehnıka qysqy maýsymǵa daıyn
Aldaǵy 2019-2020 jylǵy qysqy maýsymǵa daıyndyq barysyn pysyqtaý maqsatynda Jambyl oblysynyń aýmaǵynda birqatar uıymdastyrýshylyq jáne praktıkalyq sharalar ótkizildi. Solardyń biri retinde Taraz qalasynyń ortalyq alańynda shuǵyl áreket etý jasaqtarynyń qaraýy uıymdastyryldy.
Shara barysynda qala ákimi Qaırat Dosaev memlekettik azamattyq qorǵaý júıesiniń qalalyq qyzmetteriniń qysqy kezeńge daıyndyǵyn tekserdi. Atalǵan is-sharaǵa 40-jýyq tehnıka, 100-den astam maman qatysty. Olardyń qatarynda órt sóndirý jáne avarııalyq-qutqarý jumystary qyzmeti, Jambyl oblysy boıynsha «Apattar medıtsınasy ortalyǵy» memlekettik mekemesiniń fılıaly, Jambyl oblysynyń polıtsııa departamenti, «Qaz avtodor» JShS, «Jambyl elektr jelileri» JShS, «Qazaqtelekom» AQ, gaz jáne medıtsınalyq qyzmetkerleri bar.
Jalpy, bıyl qysqy jaǵdaılarǵa oraı jergilikti bıýdjetten 509 mıllıon teńge qarastyrylǵan. Búginge deıin «Jasyl el-Taraz» mekemesine 29 tehnıka alynsa, jeltoqsan aıyna deıin taǵy 21 tehnıka satyp alynbaq. Onyń ishinde súrgishter, greıderler, traktorlar jáne taǵy basqa tehnıka túrleri bar. Taraz qalalyq tótenshe jaǵdaılar departamentiniń azamattyq qorǵanys tobynyń aǵa leıtenanty Danııar Kelistiń aıtýynsha barlyq tehnıka men mamandar aldaǵy qysqa saqadaı-saı.
Іs-shara sońynda qala ákimi barlyq qyzmetterdiń birinshi basshylaryna qysqy kezeńde qaýipsizdikti qamtamasyz etý máselelerine uqypty qaraýdy tapsyrdy.