Tarazda avtobýs júrgizýshisiniń araq ishken-ishpegenin qalaı anyqtaıdy

<p>TARAZ. KAZINFORM &ndash; Taraz qalasyndaǵy jolaýshylarǵa 9 avtopark qyzmet kórsetedi. Jyl basynan beri Taraz qalasyna 117 avtobýs jetkizilse, jyl sońyna deıin taǵy 40 jańa qoǵamdyq kólikti ákelý kózdelýde.</p>

Sondaı-aq, 3 jańa baǵyt iske qosylǵan. Bıyl áleýmettik mańyzy bar qalalyq jáne qala mańyndaǵy jolaýshylar qatynastary tizbesine engizilgen avtobýs baǵyttarynyń shyǵyndaryn óteýge 4,8 mlrd. teńge sýbsıdııa qaralǵan. Odan bólek bıyl oblys ortalyǵynda 75 aıaldamany ornatý jumystary júrgizilýde. 

Alaıda jaqynda Jambyl oblysy máslıhatynyń depýtattary zerdeleý jumysy kezinde jolaýshylar tasymalyna qatysty birqatar kemshilikterdiń bar ekenin anyqtady. 

Eń aldymen jolaýshylardyń taǵdyryna jaýapty júrgizýshilerdiń barlyǵy birdeı tájirıbeli mamandar emes. Avtopark ıeleri jas júrgizýshilerdi jumysqa alarda olardyń tájirıbesine mán berip jatpaıdy. Osynyń nátıjesinde jol ústinde rýlde kele jatyp, artyndaǵy jolaýshylarǵa burylyp, esep aıyrysyp nemese bir qolyna uıaly telefondy alyp emin-erkin sóılesip kólik júrgizip bara jatqan jas júrgizýshilerge turǵyndar jıi shaǵymdanady. 

Sondaı-aq, keıbir avtoparkter júrgizýshilerdiń kıim kıisine múldem mán bermeıdi. Tártip boıynsha avtobýs júrgizýshileriniń arnaıy tigilgen biryńǵaı kıimderi bolýy tıis. 

«Zerdeleý jumystary barysynda aıaqta tápishke, butta shorty kıgen júrgizýshilerdiń avtobýs júrgizip bara jatqan jerinen toqtatýǵa májbúr boldyq. Al endi alkotesterleri 3 kún buryn buzyldy dep ýáj aıtqan avtopark medbıkesine ne aıtýǵa bolady? ıAǵnı, tańerteń kólik júrgizýshileri jumysqa shyǵar kezde spırttik ishimdik ishti me, joq pa, sony anyqtaıtyn alkotest quralynyń tekserýinen ótýi kerek. Bir avtoparkke barsaq, alkotest quralynyń buzylyp qalǵanyna úsh kún bolypty. Medbıke júrgizýshiden «Keshe araq ishtińiz be?» dep suraıdy, anaý «Joq, ishken joqpyn» dep jaýap beredi. Sonymen oǵan avtobýs júrgizýge ruqsat berip jatyr. Al, ol júrgizýshi shynyn aıtyp tur ma, joq pa, ony kim biledi... Bir kún buryn araq ishse de «ishtim» dep moıyndaıtynyna kúmánim bar. Qysqasy, qoǵamdyq kólikke qatysty tizbekteı bersek, aıtýǵa tıis kemshilikter jetkilikti. Avtobýs parkterine bıýdjetten mıllıardtap sýbsıdııa berilip jatyr, soǵan saı júrgizýshilerdiń kıim úlgisi men medıtsınalyq quraldaryn jańartyp qoısa bolady ǵoı» deıdi bul jóninde Jambyl oblystyq máslıhatynyń depýtaty Baqytjan Qalymbetov. 

Máslıhat depýtattary bul máseleni arnaıy jıynda Taraz qalasynyń ákimi Baqytjan Orynbekovke aıtyp, shahar basshysy kemshilikterdi anyqtap, qalpyna keltirip, kinálilerdi jazaǵa tartatynyn jetkizdi. 

Aıta keteıik, biz buǵan deıin Qazaqstan qalalaryndaǵy avtobýs jolaqysy týraly jazǵan bolatynbyz.