Tarazda atqarylǵan jumystar brıfıngide baıandaldy

TARAZ. QazAqparat - Búgin Taraz qalalyq máslıhatynyń depýtattyǵyna kandıdattar Gúlshat Ońlanbekqyzy men Baqythan Alımhanov «Nur Otan» partııasy Taraz qalalyq saılaýaldy shtabynda brıfıng ótkizip, apta ishinde atqarylǵan jumystar týraly baıandady, dep habarlaıdy.

Úgit-nasıhat jumystarynyń alǵashqy tolqynynda jelilik kestege sáıkes, oblystyq jáne Taraz qalalyq máslıhaty depýtattyǵyna kandıdattardyń jáne senimdi ókilderdiń qatysýymen 82 shara ótkizilse, Qazaqstan Respýblıkasy Parlamenti Májilisine kandıdattardyń qatysýymen 25 kezdesý uıymdastyryldy. Budan bólek shtabtyń kestesi aıasynda kúndelikti onlaın jáne offlaın rejımde qoǵamdyq qabyldaýlar ótkizilýde. Búginge deıin osyndaı 20 qabyldaý uıymdastyrylyp, turǵyndardyń talap-tilekteri tyńdaldy. Atqarylyp jatqan jumystar týraly materıaldar respýblıkalyq, oblystyq, qalalyq buqaralyq aqparat quraldary men áleýmettik jelilerde turaqty jaryq kórýde.

Qazirgi tańda partııanyń Taraz qalalyq saılaýaldy shtaby kandıdattar men senimdi ókilderdiń basyn qosa otyryp, úgit-nasıhat jumystaryn belsendi júrgizýde. Taraz qalasynda 11 okrýg bar ekendigi eskerile otyryp, shtab múshelerinen jasaqtalǵan 11 top quryldy. Odan bólek 167 erikti jumyldyrylǵan.

«Nur Otan» partııasy Taraz qalalyq saılaý qorynyń qarajaty esebinen tólendi.