Tarazda Arystaǵy jaǵdaıǵa baılanysty gýmanıtarlyq kómek berý beketi ashyldy

TARAZ. QazAqparat - Arysta áskerı bólimde bolǵan jarylystarǵa baılanysty Taraz qalasynda gýmanıtarlyq ortalyq ashyldy. Bul týraly óziniń facebook-tegi paraqshasynda Jambyl oblysy ákiminiń baspasóz hatshysy Nýradın Raqaı jazdy, dep habarlaıdy QazAqparat.

«Qurmeti dostar! Arys qalasynda oryn alǵan jaǵdaıǵa baılanysty Taraz qalasynda gýmanıtarlyq kómek kórsetý pýnkti ashylǵandyǵyn habarlaımyz. Birinshi kezekte qajet zattar: gıgıenalyq zattar, konserviler, dándi daqyldar men makaron ónimderi, jemis-jıdekter, sý, balalarǵa arnalǵan kıimder, kórpeler. Kómek kórsetý mekenjaıy: Taraz qalasy Y.Súleımenov kóshesi, №1ǵ «Nur Otan» partııasy ǵımaraty. Baılanys telefondary: 87072728591, 87077339934, 87026339934»,-delingen habarlamada.

Aıta keteıik, osyǵan deıin Túrkistan oblysynyń Arys qalasyndaǵy áskerı bólimniń qoımasynda jarylys bolǵandyǵyn habarlaǵanbyz.

Oqıǵa ornyna shuǵyl túrde Memleket basshysy Qasym-Jomart Toqaev jetip, jarylys aýmaǵynan evakýatsııalanǵan turǵyndarmen kezdesti.