Tarazda «Anaǵa taǵzym» ortalyǵynyń qurylysy bastaldy

TARAZ. QazAqparat – Taraz qalasynda «Anaǵa taǵzym» monýmenti men ortalyq boı kóteretin bolady. Jambyl oblysynyń ákimi Berdibek Saparbaev oblys ortalyǵyn kezekti ret aralaý barysynda atalǵan nysandardyń qurylysymen tanysty, dep habarlaıdy QazAqparat tilshisi.

Taraz qalasy jaqyn ýaqytta mektepten tys shyǵarmashylyq ortalyǵymen tolyqpaq. Onyń qurylysy bastalyp, irgetasyn quıý úshin shuńqyr qazylyp qoıǵan.

Merdigerlermen qurylys alańynda jolyqqan aımaq basshysy qosymsha bilim nysanynyń merziminde aıaqtalý kerektigin tapsyrdy.

Ortalyqqa jaqyn aýmaqta «Anaǵa taǵzym» atty monýment pen ortalyq boı kótermek. Bul nysan balalary úshin baryn salǵan batyr analarǵa qurmet kórsetýdiń nyshany bolmaq.

Onda ulttyq qundylyqtarymyz ben salt-dástúrimiz dáriptelip, jastarǵa ónegeli ómir súrgen, erligimen este qalǵan tanymal áıelder, belgili tulǵalardyń analary týraly keń maǵlumat beriletin bolady.

Belgilengen orynnyń janynda aýrýhana ornalasqan. Berdibek Saparbaev monýment pen mańyndaǵy úsh qabatty ǵımarattyń syrt kelbeti aınalasyndaǵy nysandarmen úılesimdi bolýy kerektigine mán berdi.

Josparǵa saı, qurylys keler jyldyń naýryzynda aıaqtalýy kerek.