Tarazda «7-20-25» baǵdarlamasymen páter alýǵa 3 adam ótinish bergen

TARAZ. QazAqparat - Jambyl oblysynda «7-20-25» ıpotekalyq baǵdarlamasy boıynsha 2 adamnyń ótinishi maquldandy, dep habarlaıdy QazAqparat Zhambylnews.kz-ke silteme jasap. 

Turǵyn úı satyp alý úshin Astana, Almaty, Aqtaý jáne Atyraý qalalary úshin baǵanyń eń joǵary shegi 25 mıllıon, al qalǵan óńirler úshin - 15 mln teńge dep belgilendi. Bul týraly ÓKQ alańynda ótken brıfıngte QR Ulttyq Banki Jambyl fılıalynyń dırektory Evgenıı Sharygın aıtty.

Kredıttiń somasy 12 mln teńge bolǵanda, ıpoteka alýshy aıyna 85 myń teńge tóleıdi. Baspana quny tómen óńirlerde kredıttiń somasy 7 mln teńge bolýy múmkin. Bul jaǵdaıda satyp alýshy aıyna 50 myń teńge tóleıtin bolady.

Jambyl oblysy boıynsha bank fılıaldary búginde 31,03 mln teńgeniń 3 ótinishin qabyldap, quny 18,3 mln teńge bolatyn 2 ótinishti maquldady.

Qazirgi tańda «Baspana» arnaıy kompanııasy Tsentrkredıt, Halyq bank, Eýrazııa Bank, Tsesna Bank, ATF Bank, RBK Banki jáne Turǵyn úı qurylysy jınaq bankimen kelisimge qol qoıǵan.