Tarazda 4 jasar bala besinshi qabat baspaldaǵynan qulap ketti
17:04, 29 Qyrkúıek 2020
TARAZ. QazAqparat – Tarazda 4 jasar bala kópqabatty úıdiń baspaldaq alańynda besinshi qabattan qulap ketti, dep habarlaıdy QazAqparat tilshisi.
Oqıǵa 13-shaǵynaýdandaǵy 5 qabatty úılerdiń birinde boldy.
«Ata-anasynyń qaraýynsyz qalǵan tórt jasar qyz baspaldaq jaqtaýy arasyndaǵy ashyq jerden tómenge qulaǵan. Ol besinshi qabattan ekinshige túsken. Zardap shekken qyz aýyr halde qalalyq balalar aýrýhanasyna jetkizildi», - dedi oblystyq Tótenshe jaǵdaılar departamentiniń baspasóz qyzmetinen.
Sondaı-aq, vedomstvo turǵyndardy abaı bolýǵa shaqyryp, baspaldaq – bul qozǵalysqa yńǵaıly qural ǵana emes, sonymen qatar balalar úshin joǵary qaýipti obekt ekendigin eskertedi.