Tarazda 3 myńǵa jýyq turǵyn úıde múldem gaz joq

TARAZ. QazAqparat - Tarazdaǵy 2681 úı múldem gazdandyrylmaǵan. Bul týraly Taraz qalasynda 2022-2023 jyldardaǵy jylytý maýsymyna daıyndyq barysy talqylanǵan brıfıngte shahar basshysynyń orynbasary Nurbol Qaldybaev málimdedi, dep habarlaıdy QazAqparat tilshisi.

«Jalpy, jylytý maýsymy kezinde tutynylatyn kómirdiń kólemi qala aýmaǵyndaǵy gazdandyrylmaǵan turǵyn úıler sanyna qaraı eseptelip otyrady. Al olardyń sany búgingi tańda – 2681. Ár turǵyn úı orta eseppen 5 tonna kómir paıdalanady dep eseptegende, 2023-2024 jyldardaǵy jylytý maýsymynda qajetti kómirdiń kólemi 13405 tonna» dedi Taraz qalasy ákiminiń orynbasary.

Al, jylý jelilerin sapaly syǵymdaý jáne kelesi jylytý maýsymyna daıyndaý úshin 30 kún qajet. Daıyndyq jumystary mamyr, maýsym aılarynda bastalady dep josparlanǵan.

Jylytý maýsymy bolsa, 5 qazannan bastalady.

Aıta keteıik, Taraz turǵyndaryna jylý tasymaldaıtyn 5 mekeme bar. Olar: «Tarazenergoortalyq» AQ, «T.I.Batýrov atyndaǵy Jambyl GRES-i» AQ, «Taraztransenergo» MKK, «Jambyl-Jylý» MKK-dary jáne «Sofııa» JShS.

Al, buǵan deıin biz Tarazda jylý jelileriniń 70 paıyzǵa jýyǵy tozǵanyn, sondaı-aq,

Jambyl oblysynda 2,7 myń úı jaryqsyz otyrǵanyn jazǵan bolatynbyz.