Tarazda 201,4 shaqyrym jol jóndeledi

TARAZ. QazAqparat - «Nur Otan» partııasy Taraz qalalyq shtabynyń tóraǵasy Batyrbek Qulekeev bastaǵan top «Astana» yqshamaýdanynyń turǵyndarymen kezdesti. Júzdesýge Jambyl oblystyq máslıhatynyń depýtattyǵyna kandıdat Erqanat Manjýov, Taraz qalalyq máslıhatynyń depýtattyǵyna kandıdattar Elmıra Myrza-Ǵalı, Baýyrjan Moldashev pen «Jas Otan» jastar qanatynyń eriktileri qatysty, dep habarlaıdy QazAqparat.

Úgit-nasıhat sharasy barysynda Batyrbek Ábdirásiluly jurtshylyqqa «Nur Otan» partııasynyń saılaýaldy baǵdarlamasyn tanystyryp, aldaǵy jyldary atqarylatyn jumystarǵa toqtaldy. Ásirese, ınfraqurylym jelisin jaqsartý, kósheler men aýlalardy abattandyrý baǵytynda birqatar sharýalar qolǵa alynbaq.

Aıta ketý kerek, qaladaǵy jalpy uzyndyǵy 1 831 shaqyrym bolatyn avtokólik joldary kóliktiń qaýipsiz ári tıimdi júrýin qamtamasyz etedi.

Bul úshin «Nur Otan» partııasy 2025 jylǵa qaraı uzyndyǵy 201,4 shaqyrym jol jóndeý jumystaryn júrgizýge, avtobýs parkin 2025 jylǵa qaraı 52%-dan 90%-ǵa deıin jańartýǵa, jyl saıyn keminde 50 avtobýs satyp alýǵa yqpal etedi. Sonymen qatar qaladaǵy áleýmettik baǵyttarǵa bıýdjetten sýbsıdııa bólýge, qoǵamdyq kólikterde elektrondyq bıletter júıesin tolyq kóshýge kúsh salady.

Kezdesýde Jambyl oblystyq máslıhatynyń depýtattyǵyna kandıdat Erqanat Manjýov, Taraz qalalyq máslıhatynyń depýtattyǵyna kandıdattar Elmıra Myrza-Ǵalı, Baýyrjan Moldashev sóz alyp, aıqyn maqcattar tóńireginde oı órbitti.

Óz kezeginde «Astana» yqshamaýdanynyń turǵyndary Turar Tólebekov, Mádına Nurabaeva keıingi jyldary aýlalardy abattandyrý, jańadan avtoturaq salý baǵytynda kóp jumys atqarylǵanyn tilge tıek etip, kórshilerimen birge «Nur Otan» partııasyna daýys beretindikterin jetkizdi.

«Nur Otan» partııasy Taraz qalalyq saılaý qorynyń qarajatynan tólendi.