Tarazda 18 jastaǵy júrgizýshige birden 5 aıyppul salyndy

<p>Tarazda jolda júrý erejelerin óreskel buzyp, ony áleýmettik jelige jarııalaǵan 18 jastaǵy júrgizýshi polıtsııa qyzmetkerleriniń nazaryna ilikti. Nátıjesinde &laquo;Quqyqtyq tártip&raquo; jedel aldyn alý is-sharasynyń barysynda jyldamdyqty jaqsy kóretin jasqa birden 5 túrli aıyppul salyndy, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

«Atalǵan derekke qatysty QR Ákimshilik quqyqbuzýshylyq týraly kodekstiń 590-babynyń 2-bóligi (Kólik quraldaryn paıdalaný qaǵıdalaryn buzý), 593-babynyń 2-bóligi (Qaýipsizdik beldikterin paıdalaný qaǵıdalaryn saqtamaý), 596-babynyń 3-bóligi (Kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzý), 599-babynyń 1-bóligi (Baǵdarshamnyń tyıym salatyn sıgnalyna qaramaı ótý), 606-babynyń 1-bóligi (Jol júrisine qatysýshynyń jol júrisi qaǵıdalaryn avarııalyq jaǵdaı týǵyzýǵa ákep soqqan buzýshylyǵy) boıynsha ákimshilik hattamalar toltyryldy. Júrgizýshi óz kinásin moıyndady. Kólik quraly aıypturaqqa qoıyldy», – delingen Jambyl oblystyq polıtsııa departamentiniń baspasóz qyzmeti taratqan aqparatta.

Jas júrgizýshi endi 5 hattama úshin 120 750 teńge kóleminde aıyppul tóleıtin bolady.

Buǵan deıin Jambylda toı kortejinde tártip buzǵan jastar 265 myń teńge aıyppul tóleıtinin jazǵan bolatynbyz.