Tarazda 150 adam jınalǵan úılený toıy toqtatyldy

TARAZ. QazAqparat – Taraz qalasynda polıtsııa qyzmetkerleri 150-den astam adam shaqyrylǵan úılený toıy ótkizilip jatqanyn anyqtady, dep habarlaıdy QazAqparat tilshisi.

Jambyl oblysy aýmaǵyndaǵy epıdemıologııalyq jaǵdaıdyń kúrdeli bolýyna baılanysty karantın sharalardy kúsheıtilgen bolatyn. Mobıldi toptar merekelik jáne eske alý is-sharalaryn ótkizýge salynǵan shekteýiń saqtalýy boıynsha bas sanıtarlyq dárigerdiń qaýlysynyń oryndalýyna baqylaý júrgizip keledi.

Tártip saqshylary kezekti reıd barysynda qaladaǵy toıhanalardyń birinde 150-den astam qonaq shaqyrylǵan úılený toıyn ótkizý deregin anyqtady.

Toıdy uıymdastyrýshyǵa qatysty QR Ákimshilik quqyq buzýshylyq týraly kodeksiniń 425-baby «Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha materıal jınaldy jáne bas sanıtarlyq dárigerdiń talabyn buzýshyny ákimshilik jaýapkershilikke tartý úshin SES-ke jiberildi.

«Oblystyń barlyq turǵyndaryn azamattyq paryzyn kórsetýge jáne adam kóp jınalatyn oryndarǵa barmaýǵa, jeke qorǵanys quraldaryn alyp júrýge jáne jaqyndarynyń ómiri men densaýlyǵyn saqtaý maqsatynda áleýmettik qashyqty saqtaýǵa shaqyramyz», - delingen oblystyq polıtsııa departamentiniń baspasóz qyzmeti taratqan habarlamada.