Tarazda 14 jyl boıy halyqaralyq izdeýde bolǵan azamat ustaldy

<p>Jambyl oblystyq polıtsııa departamenti uıymdasqan qylmysqa qarsy kúres basqarmasynyń qyzmetkerleri 2009 jyldan beri 14 jyl boıy QR Qylmystyq Kodeksiniń 178-baby 2-bóligi, 257-baby 3-bóligi (eski redaktsııa) boıynsha izdeýde júrgen 49 jastaǵy Ó. esimdi azamatty ustady, dep habarlaıdy Kazinform.</p>

Jambyl oblystyq polıtsııa departamenti baspasóz qyzmetiniń málimdeýinshe, osydan 14 jyl buryn Taraz qalasynda tonaý jáne buzaqylyq qydmystaryn jasaǵany úshin oǵan izdeý jarııalanǵan. Azamat birneshe jyldar boıy shet memleketterdiń aýmaǵynda boı tasalap kelgen.

7 qarasha kúni jambyldyq polıtseıler arnaıy operatsııa júrgizý barysynda izdeýdegi azamatty Almaty qalasyndaǵy fıtnes zaldarynyń birinen ustaǵan. Kúdiktiniń bet-beınesi óziniń týǵan aǵasyna uqsaǵandyqtan, polıtsııa qyzmetkerlerine ózin aǵasynyń esimimen tanystyrǵan. Anyqtaý jumystaryn júrgizý úshin bir mezgilde onyń týǵan aǵasy da Jambyl oblysynyń polıtsııa departamentine jetkiziledi. Olardan saýsaq izderi alynyp, jeke bastary tolyq anyqtalǵan soń izdeýdegi azamat Almaty qalasy polıtsııa departamentiniń ýaqytsha ustaý ızolıatoryna qamaqqa alynady.

Buǵan deıin Jambylda aqsha jymqyrǵan sheneýnik bir úkimniń ústine ekinshisin jamap alǵanyn jazǵan bolatynbyz.