Tarazda 12 jasar bala ákesiniń kóligin aıdap ketken
16:15, 17 Mamyr 2023
TARAZ. QazAqparat – Tarazda 12 jasar bala ákesiniń kóligin ruqsatsyz aıdap ketken, dep habarlaıdy QazAqparat.
Rolisia.kz málimetinshe, tártip saqshylary áleýmettik jelilerge monıtorıng jasaý barysynda kámelet jasqa tolmaǵan balanyń Subaru avtokóliginiń rýlinde otyrǵany týraly vıdeony kórgen.
«Avtokólik ıesi anyqtaldy. Aıtýynsha, balasy kólikti ruqsatsyz aıdap ketken. Áleýmettik jelige vıdeo jarııalanǵanyn da bilmegen.
Kólik ıesi QR Ákimshilik quqyqbuzýshylyq týraly kodekstiń 612-baby 5-bóligi boıynsha ákimshilik jaýapkershilikke tartylyp, 50 AEK kóleminde (1 AEK – 3450 teńge) aıyppul salyndy. Avtokólik arnaıy turaqqa qoıyldy», - delingen polıtsııa habarlamasynda.