Tarazda 11 jasar bala mektepke «lańkesterdiń shabýyl» jasaǵanyn habarlaǵan

<p>Tarazda 11 jastaǵy bala ápkesiniń telefonynan polıtsııaǵa qońyraý shalyp, lańkesterdiń mektepke shabýyl jasaǵanyn aıtqan. Bul týraly Іshki ister mınıstrligi baspasóz qyzmetiniń óili Shuǵyla Turlybek málim etti, dep habarlaıdy Kazinform.</p>

«Qońyraý túsken boıda barlyq shuǵyl qyzmetter kórsetilgen mekenjaıǵa tez arada jetip, oqý ornynan 750 adam evakýatsııalandy. Polıtsııa qyzmetkerleri búkil ǵımaratty jáne oǵan irgeles aýmaqty tolyq tekserdi. Tekserý nátıjesinde qandaı da bir zat pen bógde adamdar anyqtalǵan joq. Jedel-izdestirý is-sharalaryn ótkizý barysynda tártip saqshylary buryn osy mektepte oqyǵan kámeletke tolmaǵan balany ustady», - dedi ol ІІM baspasóz qyzmeti alańynda ótken brıfıngte.

Onyń atap ótýinshe, psıhologtyń, ata-anasynyń jáne muǵalimniń qatysýymen júrgizilgen áńgimelesý barysynda kámeletke tolmaǵan bala ápkesiniń uıaly telefonynan qońyraý shalyp, qaljyńdamaq bolǵanyn jetkizgen.

«Osy fakti boıynsha QK-niń «Terrorızm aktisi týraly kórineý jalǵan habarlaý» 273-babymen sotqa deıingi tergeý bastaldy. Bul rette terrorızm aktisi týraly jalǵan habarlamalar taratqany úshin jaza óte qatań ekenin eskertemiz. Ol bes myń AEK-ke deıingi aıyppul nemese bes jylǵa deıin bas bostandyǵynan aıyrý nemese shekteý jazasyn kózdeıdi. Eger qylmysty kámeletke tolmaǵan bala jasasa, jaýapkershilik onyń ata-anasyna nemese zańdy ókiline júkteledi», - dedi Shuǵyla Turlybek.