Tarazda 10 myń adamǵa naýryz kóje daıyndalady
Taraz qalasy ákiminiń baspasóz qyzmetiniń málimdeýinshe, «Naýryz-2018» merkesin toılaý 9 kúnge josparlanǵan. Negizgi merekelik sharalar 14-22 naýryz aralyǵynda ótedi.
Baspasóz qyzmetiniń málimetinshe, 15 naýryz kúni oblysta qoǵamdyq jáne qaıyrymdylyq sharalary ótedi. 16 naýryzda qazaq dástúrine sáıkes ata-baba arýaǵyna qurmet jasalyp, meshitterde quran oqtylady. Jastar Otan qorǵaýshylar monýmentine gúl shoqtaryn qoıady.
17 naýryzǵa jalpyhalyqtyq senbilik josparlanǵan. 18 naýryz kúni oblys, qala jáne aýdandar basshylary perzenthanalarǵa baryp, dúnıe esigin ashqan sábıler men olardy ata-analaryn quttyqtaıdy.
19 naýryz etnomádenı birlestikter kontserti ótedi. 20-21 naýryzda Taraz qalasynyń ortalyǵynda negizgi Naýryz-dýman bastalady. Turǵyndar naýryz kóje iship, baýyrsaq jep jármeńekelerden arzan saýda jasaı alady.
22 naýryzǵa 800 ártis qatysatyn úlken kontsert josparlanǵan. «Dostyq» alańynda dástúrli buqaralyq dýman bastalady. Qoı kóterý, láńgi oınaý, altybaqan, asyq atý, tennıs, qol kúresi, arqan tartys jáne basqa da kóptegen oıyndardan baıqaý uıymdastyrylady. Mereke sońy keshki otshashýǵa ulasty.