Taraz ýnıversıtetiniń ekspedıtsııasy kıeli oryndardy izdeıdi

TARAZ. QazAqparat - Muhammed Haıdar Dýlatı atyndaǵy Taraz memlekettik ýnıversıtetiniń muǵalimderi men stýdentteri Jambyl oblysy boıynsha «Áýlıe ata - kıeli meken» atty ekspedıtsııaǵa shyqty, dep habarlaıdy «QazAqparat» HAA tilshisi bilim ordasynyń baspasóz qyzmetine silteme jasap.

«Týǵan jer» baǵdarlamasy aıasynda uıymdastyrylǵan ekspedıtsııanyń josparynda - jergilikti geografııany, arheologııany, sondaı-aq Jambyl oblysyndaǵy etnostardyń tarıhyn zertteý, quramyna Qarahan men Aısha bıbi, Tekturmas pen Aqyrtas kiretin tanymal kıeli oryndar bar.

«Bul sońǵy jyldar ishindegi ekinshi iri ekspedıtsııamyz. 2015 jyly Qazaq handyǵynyń 550 jyldyǵyna oraı bizdiń ýnıversıtetimiz «Uly halyq jolymen» ekspedıtsııasyn uıymdastyrdy, onyń qorytyndysy boıynsha Qazaq handyǵynyń negizin qalaýshylar - Kereı men Jánibek handardyń Shý ózeniniń saǵasymen júrip ótken jolynyń kartasy jasaldy, - dedi TarMÝ rektory Mahmetqalı Sarybekov.

TarMÝ Gýmanıtarlyq-áleýmettik ǵylymdar fakýlteti «Qazaqstan tarıhy» kafedrasynyń ókilderi eki aptalyq «Áýlıe ata - kıeli meken» ekspedıtsııasynda úsh baǵyt boıynsha júrip ótedi. Olar Jýaly, Jambyl, Talas, Sarysýǵ, Baızaq, Shý, Moıynqum, Rysqulov, Merke jáne Qordaı aýdandaryna barady.