Taraz turǵyny jalǵan shot-faktýramen memleketke 107 mln teńge shyǵyn keltirdi

TARAZ. QazAqparat - QR QM Qarjy monıtorıngi komıtetiniń Jambyl oblystyq ekonomıkalyq tergeý departamenti jalǵan shot-faktýra jazý faktisiniń jolyn kesti, dep habarlaıdy QazAqparat tilshisi.

Atalǵan komıtet málimetinshe, jedel izdestirý is-sharalaryn júrgizý barysynda Taraz qalasy

turǵynynyń ekinshi deńgeıli bankterdiń birinen qarajatty júıeli túrde qolma-qol aqshaǵa aınaldyryp otyrǵany anyqtaldy. Tergeý barysynda Taraz qalasynyń turǵyny 2019-2020 jyldary aralyǵynda ol óziniń atyna birneshe JShS tirkep, jalǵan býhgalterlik qujattardy jazyp berýmen aınalysqan. Bul kásiporyndarda kásipkerlik qyzmetti júzege asyrý úshin avtokólik, úı - jaı, óndiristik tehnıkalyq baza jáne qyzmetkerler shtaty bolmaǵan.

«Jalǵan fırmanyń basshysy qarjy sharýashylyq, býhgalterlik esepterin jáne salyq esepterin jasyrǵany anyqtaldy. Іs júzinde fırmalar qylmystyq áreketterdi júzege asyrý, kontragentterge salyqtan jaltarý úshin jalǵan esep shottardy jazyp berýmen aınalysqan. Saldarynan memleketke tólenbegen salyq túrinde 107 mln teńgeden astam soma shyǵyn keltirilgeni anyqtaldy», - dep atap ótedi vedomstvodan.

Jambyl oblysy Baızaq aýdandyq sotynyń úkimimen aıyptalýshy QR QK 241-babyna sáıkes kináli dep tanyldy. Azamatsha 40 AEK kóleminde aıyppul tóleıdi, sondaı-aq oǵan 3 jyl merzimge kommertsııalyq uıymdarǵa basshylyq jasaýǵa tyıym salyndy.