Taraz turǵyny jyldar boıy áýrege salǵan polıtseılerden 300 myń óndirip aldy
2019 jyly Taraz qalasy turǵynynyń halyqqa qyzmet kórsetý ortalyǵyna baryp, qaıta tirkeýge jáne jeke kýáligin aýystyrýǵa ótinish bergen. Biraq olar bas tartqan.
HQO onyń Reseı azamattyǵyn qabyldaýyna baılanysty Qazaqstan azamattyǵynan aıyrylǵany týraly ІІM derekqoryndaǵy jazbany kórsetedi.
Sodan beri ol Reseı azamattyǵyn qabyldamaǵanyn aıtyp, birneshe ret polıtsııaǵa habarlasqan.
Osylaısha aryzdanýshy 3 jyl boıy óziniń Qazaqstan azamaty ekenin dáleldeı almaǵan.
2023 jyldyń mamyrynda RF Syrtqy ister mınıstrligi Taraz turǵyny Reseı azamattyǵyn alýǵa ótinish bermegenin, Reseı Federatsııasy ishki ister mınıstrliginiń aqparattyq jazbalarynda onyń azamattyq alǵany týraly málimet joq ekenin habarlady.
Osy hat pen qyzmettik tekserý qorytyndysy negizinde polıtsııa departamenti azamattyń jeke kýáliginiń jaramsyz degen mártebesin joıdy.
Ol polıtsııa departamentinen moraldyq shyǵyn úshin 3 mln teńge óndirip berýdi surap Taraz qalalyq sotyna júgingen.
Sotta jaýapkerdiń ókili bar kináni shetel mekemesi — Reseı Federatsııasynyń federaldyq kóshi-qon qyzmeti basqarmasyna jaýyp, talapty moıyndamady.
Sondaı-aq, qańtar oqıǵasy kezinde (2022 jyly) ákimshilik ǵımarattardyń qıraýyna baılanysty jábirlenýshiniń polıtsııaǵa (2019-2020 jyldary) júgingeni týraly aqparat joq bolyp ketkeni aıtyldy.
Qazaqstan azamattyǵyn joǵaltýdaǵy jaýapkerdiń kinási anyqtalǵan joq.
Sonymen qatar, jaýapker talap qoıýshynyń ótinishin ýaqtyly qaramaǵan, onyń ishinde polıtsııa qyzmetkerleriniń 3 jyldan astam ýaqyt boıy onyń konstıtýtsııalyq quqyǵyn qalpyna keltirý úshin tıisti shara qabyldamaǵan, saldarynan ol uzaq ýaqyt boıy naqty quqyqtyq mártebesiz ómir súrdi.
Sóıtip sot osynyń bári moraldyq azap shegýge ákep soqty degen qorytyndyǵa keldi.
Osyny eskere otyryp, talap ishinara qanaǵattandyryldy. ıAǵnı polıtsııa departamentinen 300 myń teńge moraldyq shyǵyn óndirildi.
Sheshim zańdy kúshine endi.