Taraz turǵyny Chehııaǵa jumysqa baramyn dep jarty mıllıon teńgesinen aıyrylyp qaldy

<p>Shetelge jumysqa ornalastyrý týraly alaıaqtyq áreketter jıilep ketti. Taraz qalasynda alaıaqtar shetelge jumysqa ornalasqysy keletinderdi Chehııaǵa &laquo;jibergen&raquo;, dep habarlaıdy <a href="https://www.inform.kz/" target="_blank" rel="noopener">Kazinform</a> tilshisi.</p>

Taraz qalalyq polıtsııasyna 48 jastaǵy jergilikti turǵyn aryzdanyp, ınternet alaıaqtardyń qurbany bolǵanyn aıtqan.

"Ol Instagram áleýmettik jelisinde Chehııaǵa jumysqa ornalasý týraly habarlandyrýdy kórgen. Áıel silteme boıynsha ótip, áleýetti «jumys berýshilerge» habarlasqanda, oǵan qujattary men jumysqa ruqsat alý úshin 500 myń teńge tóleý kerek ekenin aıtqan. Ol aqshany kórsetilgen esepshotqa aýdarǵannan keıin "jumys berýshiler" onymen baılanysyn toqtatqan", - dep túsindirdi Jambyl oblystyq polıtsııa departamentiniń baspasóz qyzmeti.

Atalǵan fakti boıynsha QR Qylmystyq kodeksiniń 190-baby 2-bóligi «Alaıaqtyq» boıynsha sotqa deıingi tergeý bastaldy.

Jedel-izdestirý is-sharalary barysynda Jambyl oblysy PD «Kıberpol» arnaıy toby men ekinshi qalalyq polıtsııa bóliminiń qyzmetkerleri kúdiktini anyqtap, ustady, ol Astana qalasynyń 27 jastaǵy turǵyny bolyp shyqty.

«Er adam óz kinásin tolyq moıyndady, tergeý júrip jatyr», - dep túsindirdi polıtsııa.