Taraz qalasy ákiminiń burynǵy orynbasary Grýzııada ustaldy

NUR-SULTAN. QazAqparat - Halyqaralyq izdeý jarııalanǵan Taraz qalasy ákiminiń burynǵy orynbasary Grýzııada qolǵa tústi, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Jambyl oblysy boıynsha aýmaqtyq departament QR QK-niń 189-babynyń 4-bóligi 2-tarmaǵynyń, 362-babynyń 4-bóliginiń 3-tarmaǵynda kózdelgen sybaılas jemqorlyq qylmysyn jasaý kúdigimen Taraz qalasy ákiminiń burynǵy orynbasary Q.A. Sarytaıǵa halyqaralyq izdeý jarııalady.

Halyqaralyq yntymaqtastyq aıasyndaǵy jedel-izdestirý is-sharalarynyń nátıjesinde Grýzııanyń quqyq qorǵaý organdary Sybaılas jemqorlyqqa qarsy qyzmetpen jáne Qazaqstan Respýblıkasy ІІM Interpol UOB–men birlesip K.A.Sarytaı Grýzııa aýmaǵynda ustalyp, qamaýǵa alyndy.

Qazirgi ýaqytta ony Qazaqstan Respýblıkasyna ekstradıtsııalaý rásimi júzege asyrylýda.