Taraz qalasy eki ákimshilik aýdanǵa bólinedi

<p>ASTANA. KAZINFORM &ndash; Jambyl oblysynyń ákimi Erbol Qarashókeev Taraz qalasyn eki ákimshilik aýdanǵa bólý sebebin túsindirdi.</p>

- Halyqtyń sany 400 myńnan asatyn bolsa, oblystyq ortalyqta eki aýdan qurylý kerek, ol zań talaby. Qazir Taraz qalasynda 430 myńnan astam turǵyn bar. Taraz qalasyn eki aýdanǵa bólý týraly jaqynda Úkimettiń qaýlysy qabyldandy, máslıhatpen birlesken sheshim shyǵaryp, eki aýdanǵa bóletin bolamyz, - dep túsindirdi Erbol Qarashókeev oblystyń áleýmettik-ekonomıkalyq damýy týraly esep berý barysynda.

Onyń aıtýynsha, qala ósken saıyn aýdanǵa bólý, kórsetiletin memlekettik qyzmettiń sapasyn arttyrýǵa múmkindik beredi.

- Bul kerek sheshim, óte durys sheshim, - deıdi oblys ákimi.

Buǵan deıin Taraz qalasyn eki ákimshilik ortalyqqa bólý jumystary týraly habarlaǵan edik. Osy oraıda qalanyń jańa bas jospary talqylandy.